„Дали намалувањето на телесната тежина е потешко како што старееме? Мојот краток одговор е не.“ – вели американската докторка и нутриционистка Amy Shah.

Можеби звучи контрадикторно, но таа тврди дека по многубројните пракси и работилници во кои комуницира со безброј мажи и жени секоја недела, тие се во најдобра форма како што стареат. Тоа не значи дека е лесно – тие користат неколку стратегии кои се развиваат од стратегиите на нашата младина.

Точно е дека некои работи како отпорност на лептин, воспаление и хормонски дисбаланс се менуваат како што старееме, така што не може да бидеме толку невнимателни како што можевме да бидеме во нашите тинејџерски години и раните 20-ти. На телото како што старее му е потребно подолго време да се обнови и да се лекува и содржи помалку хормони за согорување на мастите.

Но, не сме осудени на пропаст. Следејќи ги следните стратегии, можеме да се одржиме во форма и да направиме баланс во организмот.

1. Научете се да ја разбирате поврзаноста на мозокот со стомакот. Таа е реална!

Клучот е да знаете како хрната прави да се чувствувате. Тоа е поврзаноста на умот и стомакот. Вашето расположение утре зависи од храната која ја јадете денес.

На пример, пицата не ви прави добро ако ви предизвикува надуеност, замор и главоболка следниот ден. Вашиот стомак комуницира со вас и ви дава знаци што е добро за организмот, а што е тоа што прави нерамнотежа. Депресија, анксиозност и замор исто така може да произлегуваат од тоа.

„Многу од моите пациенти велат дека со години се обидувале за конечно да ја воспостават таа конекција.“ -вели Еми.

„Мојот совет е да започнете со оваа стратегија: по вечерата, набљудувајте го стомакот, направете го тоа и следното утро. Дали вечерата прави да се чувствувате добро? Ако не сте сигурни, запишете ги состојките што сте ги консумирале по вечерата, а следната вечер направете друг оброк. На крај конечно ќе видите што навистина му годи на вашиот организам.“

2. Контролирајте го стресот

Ова е најголемата причина поради која ќе видите постари луѓе во најдобрата форма од нивните животи. Тие ја препознаваат стресната ситуација и знаат да се справат со истата. Многу од нив се повеќе фокусирани на исполнувањето на зададените цели, тие често практикуваат дури и медитации и молитви. Ако сте зависник од кофеин, ако не сте доволно наспани и постојано под стрес, не е рецепт за губење на тежината, одржување на формата или за целокупното здравје и благосостојба.

3. Изменете го фокусот на вашите вежби

Одберете физичка активност која нема да ја доживувате како напор или како казна. Пациентите што со нетрпение сакаат да практикуваат активност се оние кои се држат до истата и имаат резултати. На пример, стогодишници често изведуваат пријатни вежби, како што се пливање или пешачење, а тоа е клучот за нивната долговечност. Активностите кои може да ги правите секој ден, недела по недела, се клучни за победа и резултати.

За да започнете, замислете што сакавте да правите кога бевте 12-годишни. Обидете се со слична активност. На пример, ако сте сакале гимнастика како дете, вашата активност во позрелите години нека биде јога.

Кои се неизбежните промени во организмот и телото како што старееме:

– хормонска нерамнотежа

– губење на маса на мускулното ткиво

– губењето на минералите во коските

– постојано зголемување на количината на масти, постарите луѓе можат да имаат речиси една третина повеќе масти отколку кога биле помлади

– послаба работа на метаболизмот

Најголемата предност на губење на тежината во зрелите години (под претпоставка дека сте со прекумерна тежина) е дека ќе бидете во можност да бидете поактивни и да живеете подолго. Овие студии покажуваат дека не само што ви помагаат да живеете подолго, туку и ви помагаат да станете поактивни, што е еден од најбараните цели за пациенти на било која возраст.

Овие стратегии се безвременски! Практикувајте ги за да стигнете до својата идеална телесна тежина, различна за секого, без разлика на возраста. Се разбира, претходно разговарајте со вашиот лекар пред да ја промените вашата рутина.