Ако на вашето лице забележувате нови брчки и трагови од умор, ви предлагаме да ја испробате оваа одлична маска. Покрај тоа што е економична и едноставна, оваа маска е потполно природна, а ја затегнува кожата скоро како контроверзниот ботокс.

Ова е одличен третман ако салате да се подготвите за некој изненаден состанок, вечерно излегување или прослава, бидејќи ефектите на маската се моментални – се забележуваат веќе по првата употреба!

Најдобра домашна маска за затегнување на лицето – рецепт

Состојки:

– 1 лажица густин

– 5 лажици свежо исцеден сок од морков (ако немате соковник, измиксирајте ги исечканите моркови во блендер и сокот процедете го низ цедилка)

– 1 лажица кисела павлака

Како да ја припремите маската:

Растворете го густинот во половина чаша ладна вода. Префрлете го растворениот густин во тенџере и додајте му 100 мл зовриена вода. Ставете на рингла и варете ја течноста на умерен оган додека се згусне. Потоа, откако смесата малку ќе се олади, додајте го свежо исцедениот сок од морков и киселата павлака. Добро промешајте и ставете ја на чисто лице да стои 25-30 минути (ако можете, најдобро е да направите пилинг на лицето пред да ја ставите маската). Маската измијте ја со топла вода и потоа намачкајте го лицето со кремата која ја користите. Останатата маска ставете ја во фрижидер.
За најдобри резултати, маската ставајте ја 3 дена по ред.

Оваа маска ја хидратира кожата, ги отстранива знаците на умор и брчките, кожата станува затегната, еластична и мазна.

Густинот или скробот е најчеста состојка на маските за лице поради своите одлични апсорбирачки особини, односно ја задржува влагата.

Богати со бета каротен, морковите се природен извор на витамин А кои има бројни предности за нашата кожа:

• Природен anti age фактор
• Помага во одржување на влагата на кожата
• Ги лечи акните – помага да зараснат раните
• Антисептичко својство – го засилува имунолошкиот состав и спречува инфекции

Киселата павлака, како и сите ферментирани млечни производи, содржи млечна киселина која е клучна за убавината и здравјето на кожата. Тоа е поради тоа што и помага на кожата да ја задржи влагата, природно прави пилинг и го поттикнува поризводството на колаген. Млечната киселина се користи во многу козметички препарати за нега. Активната состојка во киселата павлака – млечната киселина – е вид алфа хидроксилна киселина која ги отстранува мртвите клетки на кожата и го поттикнува производството на нови, млади клетки кои ги намалуваат брчките. Но, како и сите алфа хидроксилни агенти, можат да ја зголемат осетливоста на кожата на сонце, па внимавајте да не бидете изложени на сонце после третманот.