Низ интернетот кружи рецепт за напиток кој го чисти организмот и кој делува како антибиотик: ги убива сите штетни бактерии, вируси и инфекции во телото. Оние кои го испробале тврдат дека навистина дејствува.

Можеби тоа што му треба на Вашето тело во овој период е прочистување, а овој пијалак од комбинација на свежи и квалитетни состојки ќе Ви го овозможи тоа. За подготовка се потребни следните состојки:

• 2 лажици куркума
• 700 милилитри органски јаболков оцет
• 1/4 чаша ситно сечкан бел лук
• 1/4 чаша ситно сечкан црн лук
• 2 лути пиперки
• 1/4 чаша рендан ѓумбир
• 2 лажици рендан рен

Сите состојки освен оцетот измешајте ги во еден сад и префрлете ја смесата во стаклена тегла. Потоа додајте го и јаболковиот оцет. Најдобро е да ја наполните теглата со 2/3 од смесата, па да дополните со оцет до врвот. Затворете ја теглата и добро протресете ја. Чувајте ја на ладно и суво место две недели. Протресувајте ја неколку пати на ден.

По 14 дена смесата добро процедете ја низ цедалка со газа и добро притиснете за да целата течност се исцеди. Густиот остаток можете да го искористите при готвење, а пијалакот чувајте го во фрижидер.

Внимавајте бидејќи има премногу силен вкус, но не го разредувајте со вода бидејќи тоа ќе го ублажи неговото дејство. Пијте по една лажица на ден за зајакнување на имунитетот, па постепено зголемувајте ја дозата до една мала шолја за кафе дневно. Доколку страдате со посериозни здравствени проблеми, се препорачува една лажица од пијалакот по пет до шест пати дневно.