Градењето на мускулната маса се случува кога ќе се најдете баланс помеѓу интензивниот тренинг и планот за јадење (што треба да вклучува правилен протеин и здрави јаглени хидрати, додека рафинираните шеќери, преработената храна и вештачките состојки се исфрлаат од исхраната).

Сепак, тоа не значи дека мора да се ограничите за ручек да јадете само лосос и кељ, а за вечера пилешко месо. Ви нудиме предлози за видови продукти со кои ќе внесете разновидност во вашата исхрана и кои ќе ви помогнат за зголемување на мускулната маса.

1. Остриги

Меѓу морската храна што изобилува со цинк, остригите се богати и со протеини и помагаат во регенерирање на мускулите по тренингот.

2. Оцет

Не само што добро оди со маслиновото масло за салати, во комбинација со јаглени хидрати, оцетот делува како средство кое овозможува тие јаглехидрати да се складираат како мускулен гликоген, наместо да се складираат маснотии.

3. Зелен чај

Зелениот чај е прекрасен антиоксидант и диуретик кој исто така помага при губење на маснотии и подобрување на циркулацијата на крвта. Совршена замена е за кафе кога тренирате со цел да ја зголемите мускулната маса.

4. Јајца

Јајцето е совршен избор за протеинска бомба (секогаш во комбинација со жолчката). Кога се обидувате да изградите мускули, имајте на ум дека жолчката содржи корисни хранливи материи достојни за консумирање.

5. Брокула

Не само што брокулата е нискокалорична и заситува, исто така содржи значителна количина на растворливи влакна, кои помагаат во губење на маснотии.

6. Чоколадно млеко

Друга намирница која содржи протеини на која можеби не сте се сетиле е чоколадното млеко што се смета не само како одличен пијалак за регенерирање после тренинг, туку и како добар извор на потребни јаглехидрати.

7. Бадеми

Бадемите се истакнуваат кога станува збор за влакна и протеини во споредба со другите јаткасти плодови. Тие исто така содржат витамин Б, витамин потребен за да го стимулира метаболизмот.

8. Малини

Малините содржат најмногу растителни влакна од сите шумски плодови. Исхраната богата со влакна е неопходна за правилно варење и за мускулно обликување. Антиоксидансите, исто така, можат да помогнат во регулирањето на метаболните заболувања и чувствителноста на инсулин.

9. Авокадо

Добрите масти што ги содржи авокадото можат да помогнат во елиминирањето на обемот на стомакот и содржи повеќе од 20 видови есенцијални хранливи материи.

10. Киноа

Замена за житарки што е богата со амино киселини, која ја издвојува од повеќето јаглени хидрати во вашата исхрана.

11. Јаболки

Богата со јаглехидрати и влакна, јаболката е одлична закуска по вежбање и добра алтернатива за додавање мускулна маса во вашето тело.

12. Спанаќ

Не само што е познат по нутритивните својства, калциумот во спанаќот може да помогне да се релаксираат мускулите и да се спречат грчевите за време на тренирањето.

13. Школки

Кажете да на морската храна, а особено на школките за градење на мускулна маса. Богати се со протеини и содржат малку масти, тие исто така содржат Б12, што е од суштинско значење за физички активните лица.

14. Ладно цедено маслиново масло

Друг извор на мононезаситени добри масти, ладно цеденото маслиново масло е одлично како додаток на вашите салати и зеленчукови порции кога сте под режим на исхрана за градење на мускулна маса.

15. Овес

Овесот е богат со растителни влакна, а не содржи многу шеќери и јаглени хидрати потребни за енергија при тренирање на мускулите. Побарајте цели парчиња овес и избегнувајте преработени опции.

16. Мисиркино месо

Мисиркиното месо е едно од најлесните видови месо за консумирање. Богато е со протеини и во комбинација со зеленчук е одличен оброк за срцето и мускулите.

17. Моркови

Не само што се богат извор на витамини, морковите се исто така богати и со растителни влакна и се нискокалирична намирница. Консумирајте ги за лесна ужина или како гарнир со ручекот.

18. Леќа

Совршено гарнирче со посно месо или со зеленчук, леќата содржи растителни влакна, протеини и јагленохидрати кои се најпогодни кога тренирате за зајакнување на мускулите.

19. Црн грав

Јадењето црн грав ве снабдува со витамини од кои Б, К, Ц и А, кои не содржат висок процент на заситени масти. Црниот грав е нискокалорична намирница богата со протеини и влакна храна.

20. Лосос

Еден од најдобрите извори на омега-3 масни киселини, лососот не може да се изостави од било која намирница на листата за оние кои сакаат да ја подобрат својата фигура.

21. Кафеав ориз

Корисен кај повеќето диети за обликување на телото, кафеавиот ориз содржи сложени јагленохидрати што ги снабдуваат спортистите со енергија.

Не дозволувајте монотоност во исхраната кога сте под режим – дозволете си комбинација од овие вкусни намирници и уживајте во градењето на мускулната маса.