Во ладните зимски денови на сите ни се случува да качиме по некој килограм. Овој период има помалку сончеви зраци, па самиот организам произведува помалку витамин Д, така што ни се менува и расположението, а со тоа јадеме повеќе. Уште помалку се движиме и се облекуваме со повеќе парчиња подебела облека, така што може да се опуштиме малку бидејќи, нели, нема да се примети дали сме накачиле некој килограм плус.

Овие намирници се Вашиот вистински пријател и тоа не само во зима.

А напротив, според стручните тврдења на медицинските лица, во зимските денови треба повеќе да се движиме, да ја прилагодиме исхраната и задолжително да консумираме три главни оброци и две ужини дневно.

За појадок треба да јадеме овесни снегулки. Тие се хранливи, содржат многу растителни влакна кои помагаат при варењето на храната и даваат чувство на ситост, а содржат и бета-глукан кој го намалува нивото на холестерол. Другата варијанта за појадок е две третини шолја корнфлекс со суво овошје и 200 мл јогурт.

Појадок

-Овесни снегулки (билни влакна 389 kCal)

-Корнфлекс (лецитин 392 kCal)

Се препорачуваат бидејќи даваат чувство на ситост и го забрзуваат варењето.

Ужина

-1 јаболка (витамин Ц 40 kCal)

-1 банана (витамин B 89 kCal)

Се препорачуваат бидејќи даваат сила и смиреност.

Ручек

-Зелен зеленчук (фолна киселина 23 kCal)

-Мешункасти подови (триптофан 110 kCal)

Мешункасти плодови и зелениот зеленчук се препорачуваат бидејќи го намалуваат уморот и го подобруваат раположението.

За расположението да не ни варира за време на тмурните денови, за ручек треба да јадеме зеленчук богат со фолна киселина, значи секој зелен зеленчук како и ореви, семки… Храна богата со есенцијални масни киселини и јод, на пример морска риба, го подобрува расположението. Главниот извор на серотинот, хормонот на среќата, е триптофанот, а го има најмногу во мисиркиното месо, млекото, младо сирење, кикирики, мешунки…

Ужина

-Портокал (витамин Ц 47 kCal)

-Тиква (витамин Т 28 kCal)

Се препорачуваат бидејќи го забрзуваат метаболизмот.

Вечера

-Скуша (омега-3 масти 223 kCal)

-Младо сирење (омега-6 масти 28 kCal)

Се препорачуваат бидејќи го намалуваат притисокот.

Во исхраната треба да внесеме доволна количина на омега-3 и омега-6 масни киселини, за кои е докажано дека делуваат како стабилизатори на расположението. Затоа се препорачуваат скушата, сардина, лосос, туна, семки од тиква и слично.