Компирите се плодови што може да ги подготвите на најразличи начини, а добро се комбинираат и со други зелечуци. Децата најмногу ги сакаат пржени, најздрави се варени, а за постарите највкусни се печени. Но тие не успеваат секогаш да бидат крцкави однадвор и меки однатре. Доколку вашите печени компири остануваат сурови, или пак стануваат меки и кога ги мешате се дробат или лепат за тавата, немојте да се откажете од нив. Постојат неколку фактори кои влијаат на квалитетот на печените компири: од видот на компирите до садот во кој се печат.

1. Одберете ги вистинските компири. Било да се стари или млади, за печење во рерна најдобри се оние со жолто месо бидејќи се покомпактни, цврсти и помалку брашнести, па затоа помалку е веројатно тие да се раздробат.
2. Компирите излупете ги непосредно пред да започнете со нивната подготовка. На тој начин тие нема да ја изгубат влажноста и ќе останат конзистентни.
3. Компирите исечете ги на еднакви парчиња. Не е важно дали ќе ги исечете на коцки или на кришки. Важно е тие да бидат колу што е можно еднакви за да можат да се испечат рамномерно.
4. За печење на компирите употребете метална тава и тоа подобро доколку е тефлонска, во која компирите ќе ги собере во еден слој. Зачинете ги со масло или со путер, зачини и сол, па измешајте ги пред да ги ставите во рерна за да се зачинат од сите страни.
5. Немојте да употребувате стаклени или керамички тави, бидејќи во тавите што не се метални, компирите многу лесно ќе се залепат на дното.
6. Тавата со компирите ставете ја во загреана рерна. Доколку температурата е премногу ниска (идеална е 190 степени), компирите нема веднаш да заруменат и нема да ја добијат карактеристичната крцкава кора на површината. Доколку компирите се крцкави однадвор, тогаш внатре ќе останат меки. Печете ги 30-35 минути, па извадете ги.
7. Немојте да ги мешате компирите првите 10 минути од печењето дури ни со шпакла бидејќи ќе се раздробат.
8. Откако ќе ја извадите тавата од рерна, протресете малку за да ги извадите компирите без да ги оштетите.