Есента е полна со бои, искористете ги нејзините дарови и со малку креативност и имагинација создадете свои украси. Домот ќе ви биде поубав, а вие ќе бидете релаксирани и во исто време ќе успеете доста да заштедите од буџетот!

Еве неколку интересни и лесни украси кои секој може да ги направи.

За оваа декорација потребни ќе ви бидат вештачки листови и рибин конец. Отстранете ги дршките од листовите. Потоа со лепак залепете ги листовите на рибиниот конец. Претходно е потребно да ја одредите должината на конецот која ја сакате. Закачете ги на прозорите или на вратите.

За оваа декорација ќе ви треба рамка за слика, желади (кои можете да ги соберете за време на една прошетка во шума) и лепак. Залепете ги желадите на рамката како што е на сликата покажано и ќе добиете прекрасна есенска рамка.

Овој украс е доста едноставен. Ќе ви треба поголем стаклен сад, убава голема свеќа, суви гранчиња и желади. Ги редите сите работи во садот како што е прикажано на сликата и украсот е готов.

Потребно е: суви гранчиња, лепак, чаша и мала свеќа. Едноставно залепете ги гранчињата за чашата и создадете прекрасен свеќник.

За оваа декорација ќе ви требаат суви листови, тегла и лепак. Втор начин за подготовка на свеќник направен дома.

25 тапи од вино, портокалова темперна боја, четка, пиштолче со лепак, конец и вештачки зелени листови.

Залепете ги тапите со лепакот. Прво наредете 4, над нив 5, па 6, повторно 5 и 4. Обоите ги тапите од двете страни со портокалова боја. Едната тапа што остана пресечете ја на пола и залепете ја најгоре. До неа залепете ги зелените лисови и потоа замотајте ја доле со малку конец и врзете го во машничка.

За оваа декоративна свеќа ќе ви требаат стапчиња цимет, конец и свеќа. Залепете ги стапчињата на свеќата, како на сликата, потоа направете машничка со конецот.

https://www.youtube.com/watch?v=0XskvUMsjtk

На видеото може да видите три креативни начини како да ја украсите трпезата со салфетки: направете кошнички каде може да ставите разни грицки и колачи или пак едноставно свиткајте ги салфетките и обликувајте интересни форми со кои ќе ги изненадите гостите и ќе внесете малку креативност на масата.

https://www.youtube.com/watch?v=yOX0K7yU9Io

Волнениот конец може да се искористи во многу украси. На видеото се прикажани три начини со кои може да направите прекрасни декорации: земете го картонскиот дел од тоалетната хартија, обвиткајте конец во шарена боја и формирајте мини капчиња; земете вилушка и обвиткајте го волнениот конец како на видеото, а потоа пресечете го и добијте колоритна и мека подлога; или промешајте во сад течен лепак и вода, па додајте едно конопче од волнениот конец и формирајте ги декоративните ѕвезди како на видеото со помош на штрафчиња и даска, а потоа почекајте да се исуши и закачете ги на бел конец.