Состојки
Чај од лимон
Лимон (Citrus × limon) припаѓа во групата на цитрусните овошни плодови, во која што спаѓаат и портокалот, мандарината, грејпфрутот и слично. Плодот најчесто се користи за својот сок, а неговата пулпа во кулинарството. Лимоновиот сок е околу 5% до 6% лимонска киселина, која што му дава кисел вкус, со рН вредност од 2 до 3. Лимонот е евтин, лесно достапен и повеќенаменски. Особено е корисен кога е во прашање човековото здравје. Овој жолт плод содржи не само витамин Ц, туку и други витамини (витамин Б, рибофлавин) и минерали како калиум, калциум, фосфор, магнезиум. Во составот на лимонот влегуваат и протеини и јаглехидрати. Кората на ова благотворно овошје е многу корисна, затоа што е богата со витамин П и фитоцидни материи, кои ги уништуваат микробите. Кората содржи и етерични масла кои се корисни за нормализирање на крвниот притисок, намалување на нивото на холестерол, превенција од атеросклероза, зајакнување на имуниот систем, главоболка, гадење, исцрпеност, подобрување на помнењето и концентрацијата.
Со оваа состојка може да ги приготвите следниве рецепти
