За овој рецепт се потребни помалку од 90 минути

Тесто (подгответе го претходната вечер и оставете го да отстои):

1. Водата и млекото ставете ги во длабок сад, додајте го сувиот квасец и матете кратко со миксер. Потоа додавајте ги 3-те жолчки, едно јајце, 20 мл масло, 20 г омекнат путер, медот, ренданата кора од лимон и екстрактот од ванила, па продолжете со матење уште кратко.
2. Додајте го брашното и солта, навлажнете ги дланките и замесете тесто. Покријте го со крпа и оставете го 10 минути на собна температура.
3. Ставете го тестото на набрашнета површина и замесете го уште малку. Додавајте уште брашно по потреба.
4. Повторно размесеното тесто формирајте го во топка, ставете го во пластичен сад, затворете го и прекријте го со проѕирна фолија, па оставете го да одмара преку ноќ.

Фил:

1. Утредента, сувото грозје измешајте го со румот (може и амарето или друг ликер по желба). Измешајте и додајте го чајот, па оставете го сувото грозје да отстои.
2. Оревите ставете ги во тава на оган без масло и кратко потпечете ги, протресувајќи ја тавата често.

Финална постапка:

1. Поделете го тестото на три еднакви дела и расукајте ги деловите на набрашнета површина.
2. Филувајте ги со сечканите потпечени ореви и со исцеденото суво грозје.
3. Секој дел свиткајте го во ролат, па сплетете плетенка од трите дела.
4. Со миксер изматете 1 жолчка и премачкајте го козињакот со неа. Оставете го тестото да отстои на собна температура да стасува (1-2 часа).
5. Загрејте ја рерната на 180 степени, козињакот повторно премачкајте го со жолчка и наросете го со афион. Печете го околу 40 минути.