Состојки
Манго
Мангото е познато како „цар на овошјето“. Тоа е еден од најпопуларните овошјa со неповторлив вкус и арома. Ова е тропски плод и за негова татковина се сметаат рамнините под Хималаите во Индија.
Претставува плод богат со диетални влакна, витамини, минерали и поли-фенолни соединенија. Истражувањата покажуваат дека потрошувачката на манго штити од рак на дебелото црево, леукемија и рак на простата. Плодот е одличен извор на витамин А и флавоноиди како бета-каротен, алфа-каротен и бета-криптоксантин. Само стотина грама свежо овошје обезбедуваат 765 милиграми или 25% од препорачаната дневна доза на витамин А. Потрошувачката на овошје богато со каротен го штити организмот од рак на белите дробови и на устата. Свежото манго е богат извор на калиум кој е важна компонента на клеточните течности и помага за контрола на срцето и крвниот притисок. Плодот е добар извор на витамин Б6, витамин Ц и витамин Е. Потрошувачката на храна богата со витамин Ц помага на телото да развие отпорност против инфективни заболувања. Бакарот во мангото помага за производство на црвени крвни клетки.
Со оваа состојка може да ги приготвите следниве рецепти
