Состојки
Сок од портокал
Поради високата содржина на витамин Ц, сокот од портокал може да ви помогне да го подобрите имунитетот. Внесувањето намирници со висока содржина на масти и шеќери ќе поттикнат развој на воспалителни процеси во организмот. Но, истражувањата покажуваат дека пиењето сок од портокал, во комбинација со намирници богати со масти и јаглехидрати, спречува развој на воспалителни процеси во организмот, што е одлична превентивна мерка против развој на атеросклероза и инсулинска резистенција. Редовно консумирање сок од портокал го подобрува крвниот притисок. Истражувањата покажуваат дека сокот од портокал содржи пигмент хесперидин кој е растворлив во вода. Токму тој пигмент може да го подобри кардиоваскуларното здравје. Редовно внесување сок од портокал го намалува и нивото на лошиот холестерол. Овој сок е фантастичен извор на антиоксиданси. Тоа значи дека сокот од портокал може да помогне во спречување развој на разни облици рак, а првенствено рак на дојката и простатата.
Со оваа состојка може да ги приготвите следниве рецепти
