За овој рецепт се потребни помалку од 35 минути

1. Во тенџере на оган растопете 125 г маргарин.
2. Растопениот маргарин измешајте го во длабок сад со мелените бисквити, измешајте со лажица, потоа постепено додавајте го газираниот сок и мешајте ги состојките со дланките додека смесата се соедини.
3. На чинија за торта ставете страничен дел од тркалезен калап за печење и во него нанесете ја смесата.
4. За филот: во тенџере на оган ставете 500 мл млеко, шеќерот и ванилиниот шеќер. Во преостанатото млеко додајте го густинот и измешајте.
5. Одделете ги жолчките од белките, жолчките додајте ги во млекото со густинот и мешајте со жица.
6. Потоа непрекинато мешајќи со жицата, во зовриеното млеко во тенџерето на оган додајте ја содржината од млекото со густин и жолчка и варете додека кремот ја добие потребната густина.
7. Во сад за матење со миксер пенасто изматете 200 г од преостанатиот путер, па додајте го во изладениот крем и матете со миксерот додека филот се соедини.
8. Бананите и кивите излупете ги и исечкајте ги на коцки, па ставете ги во длабок сад и прелијте ги со лимоновиот сок за да не потемнат. Додајте ги во претходно подготвениот фил и измешајте.
9. Филот нанесете го врз смесата на чинијата за торта, па ставете ја неколку часа во фрижидер.
10. Во длабок сад со миксер матете ја слатката павлака додека ја добие потребната цврстина, па со шлагот премачкајте ја и украсете ја тортата со готварски шприц. Може да ја декорирате и со свежо овошје по желба.