За овој рецепт се потребни помалку од 25 минути

1. Градите од мисирка исечете ги на тенки парчиња и зачинете ги со црвен пипер.
2. Доматите измијте ги и исечете ги на тенки крукчиња, марулата измијте ја и исушете ја, а јајцата сварете ги и исечете ги на крукчиња.
3. Ставете ги парчињата сланина во тава и пржете ги без масло од двете страни додека станат крцкави.
4. Рерната загрејте ја на 180 степени.
5. Отсечете ја корката од парчињата леб. Прекријте еден плех со алуминиумска фолија и на неа ставете ги парчињата леб. Печете ги во загреаната рерна неколку минути, вртејќи ги само еднаш.
6. Извадете ги лепчињата од рерна, па четири од нив премачкајте со третина од мајонезот и прекријте ги со месото. Потоа направете слој со половина од парчињата домати. Прекријте ги со половина исечкани јајца, едно парче сланина исечено на пола за да не излегува од лебот, врз нив ставете лист марула и покријте ги со другите 4 парчиња леб, премачкани со мајонез од двете страни.
7. Повторете ги слоевите со месо, домати, јајца, сланина и марула, па затворете ги сендвичите со последните парчиња леб, премачкани со мајонез само од едната страна. Секој сендвич исечете го на 4 триаголници и сервирајте ги.