За подготовка на овој рецепт се потребни помалку од 10 минути

1. Во длабок пластичен сад ставете 250 грама македонско, неварено кафе и 16 чаши ладна вода. Убаво израмнете ја смесата и оставете ја да отстои барем 8 часа.
2. Потоа, земете цедалка и газа (може да употребите и тоалетна хартија) и внимателно прецедете ја смесата во друг сад. Употребете лажица за да убаво ја исцедите целата течност низ цедалката. Вака подготвеното кафе може да го чувате во стаклено шише во фрижидер и да го искористите за повеќе сервирања.
3. Во голема чаша ставете коцки мраз и додајте кафе. По желба, може да додадете и млеко, шеќер, или пак интересна варијанта е екстракт од ванила. Предлог плус: од смесата кафе што ќе ви остане во фрижидер, може да наполните во сад за складирање коцки мраз, наместо вода-додајте кафе за да добиете ледени коцки кафе. На здравје!