За овој рецепт се потребни помалку од 80 минути

1. Од брашното, 50 грама шеќер, печените и мелени лешници, путерот, 1 јајце, ванилиниот шеќер и малку рендана кора од лимон се замесува тесто.
2. Тестото се распоредува во калап врз хартија за печење и се боцка со вилушка за да не нарасне при печењето.
3. На печената тиква ѝ се отстранува кората и се пасира во пире. Се додава цимет по вкус.
4. На рингла се растопува 100 грама шеќер за да се добие карамел. Се додава павлака и се меша додека карамелот се соедини.
5. Кога карамелот малку ќе се олади, му се додаваат пирето од тиква, 1 јајце и крем сирењето.
6. Филот се нанесува врз тестото и се пече 45 минути на 190°C.
7. Питата пожелно е да отстои неколку часа на ладно пред да се сервира.