За овој рецепт се потребни помалку од 60 минути + 3 часа да отстојат скушите

1. На скушите отсечете им ги опашките и исечкајте ги на парчиња. Зачинете ги со сол и бибер и ставете ги во длабок сад.
2. Додајте ги оцетот и 150 мл вода, па оставете ги скушите да отстојат во разредениот оцет 3 часа.
3. Во друг длабок сад ставете ги доматниот сос, ситно сечканите магдонос и целер, ловоровиот лист, мелениот бел бибер и црвениот пипер.
4. Во садот додајте ги и виното, брашното, половина исцеден лимон и 2-3 лажици маслиново масло. Зачинете со бибер и сол и промешајте ја маринадата.
5. Парчињата скуша извадете ги од оцетот и ставете ги во огноотпорен намастен сад.
6. Одозгора во садот додајте ги сечканите пиперки, преостанатата половина лимон исечкан на кругови, па на крај маринадата.
7. Печете ја рибата 45 минути во рерна на 180 степени.
8. Паприкашот послужете го со свежа зелена салата и со варени или печени компири.