Овој рецепт се подготвува за помалку од 50 минути

1. Киноата добро измијте ја, исецедете ја и оставете ја на страна.
2. Ставете во тава маслиново масло и загрејте на средна температура, па додајте ги киноа зрната да се пропржат.
3. Често мешајте и по 6-7 минути додајте ја сечканата пиперка, кромидот и лукот, па кратко само пропржете ги заедно.
4. Потоа додајте го грашокот, боранијата и водата, промешајте и поклопете ги да се продинстаат. Варете ги додека водата не испари и тргнете ги на страна.
5. Во друго тавче, ставете го маслото од сусам да се загрее на средна температура и додајте ги морските плодови (доколку користите смрзнати морски плодови потребно е претходно да ги сварите 5 минути во солена вода).
6. Зачинете ги морските плодови со црвен пипер, ѓумбир, сол и бибер и пржете ги 5 минути.
7. Кога ќе бидат готови морските плодови, додајте ги киноа зрната со зеленчукот и заедно сè убаво измешајте.
8. Тргнете ги од рингла, сервирајте во чинија и комбинирајте ја оваа салата со соја сос по желба.