За овој рецепт се потребни помалку од 30 минути

1. Излупете го кромидот, исечете го на резанки и варете го 5 минути на пареа (во водата додајте гранче рузмарин).
2. Излупете ја тиквата, исчистете ја и исечете ја на тенки парчиња. Исчистете ја зелката и исечете ја на тенки резанки.
3. Во тава загрејте 2 лажици масло, додајте го останатиот рузмарин и пржете ги парчињата тиква 5 минути на умерен оган.
4. Потоа извадете ја тиквата од тавата, избришете ја тавата со салфета и во неа повторно загрејте 2 лажици масло. Пржете ја зелката 2 минути на силен оган.
5. Додајте ги кромидот и тиквата, посолете ги и додајте им бибер по вкус, полијте ги со оцетот и измешајте ги. Посипете ги со крупно сечканите ореви и сервирајте ја салатата.