Овој рецепт се подготвува за помалку од 50 минути

1. Загрејте ја рерната на 180°C.
2. Во два округли садови за печење ставете хартија за печење и малку масло.
3. Оревите ставете ги во рерна да се испечат околу 8 минути. Внимавајте да не ви загорат.
4. Излупете и изрендајте ги морковите на ситно.
5. Во еден сад, со електричен миксер матете ги јајцата околу 1 минута.
6. Постепено додавајте го шеќерот и матете уште 3-4 минути.
7. Додајте го маслото и 2 лажички екстракт од ванила и промешајте.
8. Потоа додајте го и брашното во кое претходно ги имате додадено циметот, сода бикарбоната, прашокот за печиво и солта и матете додека сите состојки не се соединат убаво.
9. Додајте ги морковите и оревите и со гумена или дрвена лажица убаво измешајте и соединете ги со смесата.
10. Смесата поделете ја на половина и сипете ја во садовите за печење. Печете ги тестата околу 25-30 минути.
11. Од кога ќе завршите со печење, извадете ги тестата и оставете да отстојат 5-10 минути. Потоа извадете ги од садовите и оставете ги целосно да се оладат за да можете да продолжите со филувањето.
12. ЗА ФИЛОТ: Во сад, со електричен миксер матете ги крем сирењето и путерот (гледајте да биде на собна температура). Постепено додавајте го шеќерот во прав, 1 лажичка екстракт од ванила и кората од лимон. Мешајте додека не добиете убав крем без грутки.
13. Откога ќе се оладат тестата на чинија за служење ставете едно тесто, па половина од филот кој рамномерно ќе го нанесете, врз него другото тесто и потоа останатиот фил. Распоредете го филот рамномерно и по желба декорирајте со ореви.