За овој рецепт се потребни помалку од 40 минути

1. Загрејте ја рерната на 160 степени.
2. Во блендер ставете дел од овесните снегулки и сомелете ги за да добиете смеса како брашно.
3. Потоа во блендерот додајте 5 урми без семки и кокосот. Повторно изблендирајте за да ја соедините смесата.
4. Додајте ги останатите овесни снегулки, оревите, солта и содата бикарбона во блендерот и повторно изблендирајте. Тргнете настрана околу 1/2 чаша овесни снегулки за на крај.
5. Во друг помал сад изматете го јајцето со вилушка, додајте ги кокосовото масло и меленото ленено семе. Додајте ги во блендерот со овесот и другите состојки и убаво изблендирајте.
6. Смесата претурете ја во огноотпорен, четвртаст сад со хартија за печење и убаво израмнете.
7. Во блендерот ставете 15 урми без семки, лимоновиот сок и пола лажичка морска сол. Убаво изблендирајте неколку минути додека урмите добијат боја како карамела.
8. Добиената смеса ставете ја во садот за печење одозгора како втор слој. Навлажнете ги рацете за да убаво ја израмните смесата без да се лепи.
9. Одозгора наросете ги останатите овесни снегулки и печете ја смесата во загреаната рерна околу 18 минути.
10. Оставете целосно да се олади и потоа исечете коцки. Уште подобро ако ги оладите и оставите во фрижидер, па потоа да ги послужите.