За подготовка на овој рецепт се потребни помалку од 60 минути

1. Црешите измијте ги и исчистете им ги семките. 1-2 шаки од исчистените цреши изблендирајте ги убаво со малку вода.
2. Во тенџере измешајте ги шеќерот и пченкарниот скроб и постепено додавајте 1 чаша од сокот од цреши додека смесата не се соедини.
3. Ставете го тенџерето на оган да зоврие, а потоа варете дополнителни 2-3 минути додека не згусне.
4. Тргнете од оган и додајте ги останатите цреши, цимет, морско оревче и екстракт од ванила (или од бадем). Убаво промешајте и тргнете настрана.
5. Во поголем длабок сад измешајте брашно, маргарин и сол, додавајте постепено 5-7 лажици вода и убаво мешајте со рака, па замесете тесто. Поделете го тестото на две топки од кои едниот дел е многу поголем од другиот.
6. Поголемиот дел од тестото расукајте го на набрашнета работна површина во форма на круг, префрлете го во округла тава и убаво распоредете по краевите.
7. Убаво распоредете го направениот фил од цреши врз тестото.
8. Потоа, останатиот дел од тестото расукајте го и со нож формирајте ленти од тесто кои ќе ги ставите врз филот на питата со растојание едно од друго од двете страни.
9. Печете 10-тина минути во загреана рерна на максимум, а потоа намалете ја температурата и печете ја питата дополнителни 40-50 минути додека површината не стане златнокафена.