За овој рецепт се потребни помалку од 70 минути

1. Во еден сад се ставаат брашното, 1 чаша топла вода, сувиот квасец, 1/2 лажиче сол, црвен пипер, шеќер и омекнат маргарин. Се замесува средно меко тесто и се остава да отстои 40 минути.
2. Кога тестото ќе стаса, се дели на 12 топчиња. Од секое се формира круг и се реди во плех на хартија. Се остава уште 20-30 минути да отстои.
3. Во меѓувреме во тенџере на оган се ставаат 5 чаши вода и 1 ќесиче сода бикарбона, па се остава да зоврие.
4. Стасаните топчиња се пуштаат во водата и се варат по 40 секунди од двете страни. Со лажица (решетка) се вадат и се редат во плех.
5. Одозгора се премачкуваат со жолчка разматена со 1 лажица вода, потоа се посипуваат со сусам, ким или со крупна сол.
6. Се печат на 220 степени околу 15-20 минути.