За подготовка на овој рецепт се потребни помалку од 35 минути

1. Подгответе го сосот: изрендајте ги кромидот и доматите. Измешајте ги со ситно сечканата бабура, 1 исечкано чешне лук, чили сосот, куминот, сол и бибер. Смесата пропржете ја во тава со 2 лажици масло, околу 3 минути додека малку не се згусне.
2. Готовиот сос ставете го во сад настрана, а во тавата ставете 1 исечкано и изгмечено чешне лук со црниот грав. Посолете по вкус и додајте 1/2 чаша топла вода. Гответе на тивко, пасирајќи го гравот со вилушка.
3. Во меѓувреме во друга тава ставете лажица-две масло и испржете ги јајцата на око. Зачинете со бибер.
4. Тортиљите загрејте ги од двете страни и наредете ги во чинии за послужување. Ставете врз секоја тортиља по едно јајце на око, ставете од црниот грав, потоа од сосот и од претходно издробеното фета сирење. Наросете одозгора исечкан коријандер и послужете со останатиот сос.