За подготовка на овој рецепт се потребни помалку од 30 минути

1. Јајцата изматете ги, додајте сол, половина лажица шеќер, кисела вода и млеко, а потоа постепено додавајте го брашното и матете додека смесата убаво не се соедини. Откако ќе добиете густа смеса за палачинки без грутки, пржете ги на загреано масло, околу 1-2 минути од двете страни на вообичаен начин.
2. Во друга тава на оган загрејте го јаворовиот сируп и додајте ги измиените малини, капини и боровници. Испасирајте ги внимателно со вилушка, гответе ги и мешајте околу 3 минути.
3. Во посебен сад со миксер пенасто изматете 1 белка и постепено додавајте 1 супена лажица шеќер, додека не добиете цврст и густ шлаг.
4. Палачинките послужете ги топли во чинија, ставете им шлаг и прелијте ги со добиениот овошен сируп, а потоа декорирајте со свежи плодови шумско овошје. Уживајте!