За подготовка на овој рецепт се потребни помалку од 60 минути

1. Шампињоните се мијат и се сечат на листови, шунката на коцки, а кашкавалот крупно се ренда.
2. Тркалезна тепсија се премачкува со масло, се става првата готова кора за пира и се прска со мешавина од кисела вода и масло.
3. Се поклопува со втората кора и врз неа се распоредуваат шампињоните, па се поклопува со третата кора.
4. Се премачкува со мешавина од кечап и оригано и повторно се поклопува со кора врз која се распоредува сечкана шунка и кашкавал. Постапката на редење и филување се повторува додека се потроши сиот материјал.
5. Врз последната кора се прелива изматеното јајце и се пече во загреана рерна на 180°C, околу 30-40 минути додека зарумени.