За овој рецепт се потребни помалку од 35 минути

1. Доматите исечкајте ги на четвртини, сирењето или кашкавалот исечете го на коцки, а маслинките исчистете ги од семки и сечкајте ги и заедно измешајте ги состојките. Може да додадете и малку ситно сечкан магдонос.
2. Во подлабок сад измешајте ги брашното, солта, може малку бибер, печивото и ситно ренданиот кашкавал (или пармезан).
3. Настрана изматете ги со виљушка јајцата, млекото и маслото.
4. Смесата со јајца додајте ја кај брашното и соединете, па потоа додајте ги зеленчуците и внимателно измешајте со дрвена лажица.
5. Смесата претурете ја во калапи за мафини, претходно намачкани со путер, па печете ги во рерна на 180 степени околу 20 минути.