За овој рецепт се потребни помалку од 20 минути

1. Изматете ги жолчките, шеќерот, брашното и солта. Од белките изматете цврста пена, додајте ја на основното тесто и полека изедначете го, мешајќи со лажица.
2. Во тавче стопете една лажица путер, додајте половина од тестото и одозгора посипете го со 50 г измиено суво грозје (сувото грозје може и да го покиснете во ладна вода за да омекне).
3. Палачинката пржете ја на тивок оган од двете страни. Со две вилушки исечете ја на крупни парчиња и потоа извадете ја од тавчето. На ист начин испечете уште една таква палачинка.
4. На крајот парчињата од двете палачинки вратете ги во тавчето и пржете ги уште малку. Посипете ги со шеќер во прав и послужете ги со компот од јаболки.