За овој рецепт се потребни помалку од 60 минути

1. Во сад ставете ги белото вино и маслото.
2. Во друг сад измешајте ги брашното со ванилиниот шеќер и со прашокот за печиво, потоа додајте ги во садот со виното и замесете меко тесто. Додајте уште брашно по потреба.
3. Тестото се остава малку да отстои, потоа се кинат мали парчиња и се прават топчиња.
4. Секое топче се расукува во мала коричка, се става по една лажичка мармалад од сливи или друг вид по вкус, се става и една јатка од ореви, па расуканата коричка се витка во кифличка.
5. Откако ќе ги направите сите кифлички, наредете ги во намастена тепсија со растојание една од друга, па печете ги во рерна на 180°C, 20-25 минути или додека убаво се испечат.
6. Испечените кифлички додека уште се топли извалкајте ги во шеќер во прав и редете ги на чинија. Одозгора наросете ги со уште шеќер во прав и послужете ги.
7. Колачите се уште повкусни ако ги оставите да отстојат во садот за колачиња неколку дена.