За овој рецепт се потребни помалку од 45 минути

1. Пилешкиот дроб и срцата ако се замрзнати се ставаат во вода убаво да се одмрзнат и се делат посебно срцата од дробот.
2. Срцата се зачинуваат со сол, бибер и се налеваат со белото вино да отстојат 2-3 часа. Дробот се цеди во цедалка да нема вода и малку се посолува.
3. Срцата се пржат во тава со масло и 2 чешниња ситно сечкан лук. Се пржи додека да испари течноста, а потоа се додава пилешкиот дроб (претходно исцеден) на јака температура за да не се распадне.
4. Се зачинува со кари, вегета и ловоров лист.
5. Во друга тава со загреано масло се става ситно сечкан кромид и пиперки да омекнат. Се додава доматниот сос, сол, бибер и црвен пипер.
6. Кога убаво ќе се соедини, се додава во тавата со пилешкиот дроб и срцето и убаво се промешува.
7. На крајот се додава ориганото и ситно исечкан свеж магдонос и се трга од оган.
8. Се сервира со пржен помфрит и кромид или друг гарнир по желба.