За овој рецепт се потребни помалку од 60 минути

1. Се матат 14 јајца со 14 лажици шеќер, се додаваат 14 лажици лешници, 5 лажици брашно, 2 лажици масло, кора од лимон и 1/2 прашак за печиво. Од оваа смеса се печат 2 кори и се сечат на пола по должина (значи 4 кори).
2. Бел фил: се вари 1 литар млеко со 8 лажици шеќер и 8 лажици густин до згуснување. Се додава изматениот маргарин и 100 грама растопено бело чоколадо.
3. Црн фил: се вари 200 мл млеко со 150 грама шеќер да зоврие, му се додаваат оревите и се лади. Се додава 100 грама црно чоколадо и 1 пудинг од чоколадо (сварен во 300 мл млеко со 3 лажици шеќер).
4. Филување: прво се става една кора, па бел фил, потоа ресани потопени во сок од портокал со кафениот дел надолу, па бел фил. Се поклопува со втората кора и се става од црниот фил. Се става третата кора и се мачка со бел фил, се става од ресаните, па повторно бел фил. На крајот се става последната кора, се премачкува со црн фил.
5. Целата торта се премачкува со шлаг и се украсува по желба со чоколадни трошки.