За овој рецепт се потребни помалку од 60 минути

1. Пенасто се матат 100 грама путер и 4 жолчки.
2. Квасецот се растопува во чаша млеко се додава малку сол и се остава на топло место.
3. Во изматените жолчки и путер се додава 500 грама брашно, малку сол, 1 лажица павлака, цврст снег од 2 белки и стасаниот квасец.
4. Сето ова убаво се меси, се истура врз даска или работна маса се посипува со брашно, се расукува до дебелина од 1 сантиметар и се сече на коцкасти парчиња, се филува и се витка во форма на кифлички.
5. Секое парче се филува со: 125 грама мак се вари со парче путер, млеко, ситен шеќер и кога зоврива се става на страна и се додава кора од лимон.
6. Се печат половина час во загреана рерна на 220 степени. Топли се посипуваат со ванилин шеќер.