За овој рецепт се потребни помалку од 40 минути

1. Брашното измешајте го со шеќерот во прав, солта и путерот (што претходно го извадивте од фрижидер да омекне и го исечкавте на парчиња). Измешајте ја смесата и замесете меко тесто.
2. Тестото расукајте го врз набрашнета површина со дебелина околу 3 мм и од него исечете околу 30-тина мали крукчиња (ако немате форми за колачи, сечете со чашка за ракија или друга помала чаша).
3. Изматете со вилушка една жолчка од јајце со малку вода, па премачкајте пола од крукчињата.
4. Лупените бадеми исечкајте ги ситно и извалкајте ги во нив крукчињата со жолчка за да се залепат.
5. Сите крукчиња ставете ги во намастен плех и печете ги во загреана рерна на 180 степени околу 10-15 минути, па оставете ги да се оладат.
6. Крукчињата без бадеми намачкајте ги со мармалад и преклопете ги со крукчињата со бадеми. Притиснете нежно и послужете ги колачињата.