За овој рецепт се потребни помалку од 70 минути

1. Крапот исечете го на 6 парчиња и посолете ги од двете страни.
2. Главиците кромид исечкајте ги на тенки резанки и пржете ги на загреано масло во тенџере на оган.
3. Откако кромидот ќе омекне, додајте 1/2 лажица црвен пипер и лажица вегета. Додајте и сол и бибер по вкус и промешајте.
4. Пржениот кромид ставете го во правоаголна тава за печење, намастена со масло, и додајте го оризот.
5. Измешајте со лажица и со кромидот и оризот прекријте го дното на тавата.
6. Копарот ситно исечкајте го и наросете го во тавата.
7. Потоа врз кромидот ставете ги парчињата крап.
8. На загреано масло во друго тенџере на оган пржете го брашното со лажица масло и мешајте со жица.
9. Додајте го преостанатиот црвен пипер и мешајте. Налејте 200 мл вода, додајте 1/2 лажица вегета, сол и бибер и мешајте со жицата.
10. Откако запршката ќе зоврие, прелијте го крапот во тавата, попрскајте со масло и печете го во претходно загреана рерна на 200 степени околу 45 минути.