За овој рецепт се потребни помалку од 70 минути

1. Модриот патлиџан се сече на тенки ленти со широчина од 4-5 мм, по должината на патлиџанот, но не до крај. Рачката се остава, таа има улога да ги држи деловите на ладалото.
2. Секоја од лентите се посолува и се премачкува со маслиново масло.
3. Црвените домати се сечкат на тенки кругови, лукот се сечка на тенки ливчиња, а сирењето ситно се дроби.
4. Црвените домати, лукот, сирењето и сечканиот магдонос се редат внатре во ладалото од модриот патлиџан. Модриот патлиџан се притиска за да се разлиста уште повеќе и да личи на ладало.
5. Така приготвениот модар патлиџан се става во намрсена тава. Одозгора се става маслиново масло, па се пече во загреана рерна на 200 степени од 45-60 минути, односно додека испари течноста што ќе ја испушти.