За овој рецепт се потребни помалку од 60 минути

1. Измешајте ги брашното и гризот, додајте прстофат сол и вода по потреба колку да замесите тесто како за пита.
2. Тестото оставете го да отстои и за тоа време подготвувајте го филот.
3. Испржете го меленото месо, па откако ќе се запржи додајте ги ситно сечканиот кромид, исечканите печурки, зачините и доматниот сос и продолжете уште неколку минути.
4. Додека филот се лади, развлечете го тестото. Во зависност од количеството на брашно, поделете го тестото на одреден број помали теста. Подмачкајте ги и развлечете ги во големина на чинијата.
5. Свиткајте ги навнатре краевите од двете страни и посипете од филот.
6. Со другите два дела на тестото преклопете го филот за да не испадне при печењето.
7. Наредете ги палачинките во загреана тава и печете ги од двете страни да заруменат. За да се испечат рамномерно, правете потенки палачинки.
8. Послужете ги топли.