За подготовка на овој рецепт се потребни помалку од 20 минути

1. Отстранете ја корката од лебот, па мекиот дел исечете го на коцкички.
2. Кромидот и лукот исчистете ги и ситно исечкајте ги.
3. Краставицата и пиперките исчистете ги и преполовете ги.
4. Една половина од зеленчукот исечете на мали коцки и оставете во сад настрана, а втората половина исечете ја на покрупни парчиња. Ставете ги во подлабок сад и додајте го кромидот, лукот, коцките од лебот, доматниот сос, ким и оцет и сè тоа убаво испасирајте го со постепено додавање на маслиново масло.
5. Супата зачинете ја со сол и бибер и ставете ја во фрижидер да се олади 30-тина минути. Сервирајте во длабоки чинии и посипете ја со ситно сечканите краставица и пиперки и ситно сечканиот магдонос.