За подготовка на овој рецепт се потребни помалку од 90 минути

1. Квасецот се растопува со шеќерот и во длабок, пластичен сад се меша со брашното, 3 јајца, маслото, сол и оцет. Се додава 400 мл млака вода и се замесува тесто.
2. Замесеното тесто се остава да отстои само 5 минути и потоа се дели на шест еднакви дела. Од секој дел се расукува кружна кора и се премачкува со 1/4 маргарин, па се засекува на 9-10 засеци од краевите кон центарот на кругот.
3. Секој засек се превртува еден врз друг и се притиска добро за да впие маргаринот, потоа се става во фрижидер. Постапката се повторува со секое од 6-те парчиња замесено тесто.
4. Потоа првото парче се вади од фрижидер и се засукува во кора. Таквата кора се дели на осум дела и од секој дел се прави кифличка.
5. Кифличките се редат во намастен плех, се премачкуваат со 1 изматено јајце и се наросуваат со ким или сусам. Се печат во загреана рерна додека не добијат убава боја.