За овој рецепт се потребни помалку од 120 минути

1. Во садот со брашното додајте 1 јајце и изронетиот квасец.
2. Посолете, додајте го млекото и со рака замесете тесто, па оставете го да стасува 30 минути.
3. Младиот кромид ситно исечкајте го и пржете го на загреано масло во тава на оган. Зачинете со сол, бибер и измешајте.
4. Во длабок сад изгмечете го сирењето, додајте го маргаринот и мешајте да се соединат.
5. На набрашнета работна површина замесете го стасаното тесто и расукајте кора.
6. Кората премалкајте ја со 1/3 од мешавината од сирење и маргарин.
7. Преклопете ја кората неколку пати и на набрашнета чинија ставете ја да отстои во фрижидер 20 минути.
8. Истата постапка повторете ја уште двапати.
9. Потоа на набрашнета површина со сукало повторно развлечете кора и исечете ја на правоаголни парчиња.
10. Врз секое парче ставете по една лента сланина. На едниот крај ставете од испржениот млад кромид и свиткајте ги ролните како кифлички.
11. Редете ги во тава за печење обложена со хартија за печење и премачкајте ги со изматена жолчка. Одозгора може да наросите сусам, крупна сол или ким.
12. Печете ги во рерна на 180 степени околу 30 минути.