За овој рецепт се потребни помалку од 90 минути

1. Дињата и праските се лупат и во блендер се блендираат, па се ставаат во големо тенџере на оган да вријат 15 минути со повремено мешање.
2. Потоа во овошната смеса се додава шеќерот и повторно се вари уште 15 минути, бидејќи откако ќе се додаде шеќерот смесата станува потечна.
3. Откако ќе проврие, се додава и каранфилчето, се остава малку да се вари со него, па потоа се вади и се отстранува.
4. По 15-тина минути вриење се додава и ќесичката конзерванс („џемфикс“), па се вари уште една минута.
5. Џемот додека е врел се собира во загреани тегли, убаво се затвора и се превртуваат теглите наопаку да стојат 10 минути за да се истисне воздухот.