За овој рецепт се потребни помалку од 25 минути

1. Овошјето се чисти од лушпите и од семките и се сече на тенки парчиња. Освен банани и праски може да изберете овошје по желба: малини, јагоди, киви, јаболко, круша. За да не потемнуваат, парчињата овошје може да се потопат во сок од лимон.
2. Се мати слатката павлака во шлаг-крем до потребната цврстина.
3. Бисквитите се потопуваат во млака вода (не премногу ладна, ниту топла) и се редат 3х4 реда. Како замена за вода може да се користи млеко или вода со лажичка рум или мастика за арома.
4. Наредените бисквити се премачкуваат со шлаг, се редат кругови банани, потоа повторно шлаг за да се покрие овошјето и да се залепи следниот слој бисквити.
5. Се повторува истата постапка: бисквити, шлаг, праски, шлаг и се реди последниот слој бисквити.
6. Се филува со шлаг и се украсува целата торта со помош на готварски шприц, а одозгора може да се декорира по желба со парчиња овошје или со рендано чоколадо и медени срца.
7. Тортата се става неколку часа во фрижидер за да се излади, па се послужува.