За овој рецепт се потребни помалку од 45 минути

1. Во сад изматете ги јајцата со прстофат сол со жица за матење или со миксер.
2. Во друг сад измешајте ги брашното и млекото, па префрлете ги во садот со јајцата и добро изматете ја смесата да нема грутки.
3. Од смесата во намастена тава пржете палачинки од двете страни.
4. Спанаќот добро измијте го и ставете го да се вари во тенџере со солена вода.
5. Потоа исцедете го и исечкајте го, па пропржете го во тава со 20 г путер и малку млеко колку да добие мирис.
6. Палачинките наполнете ги со смесата од спанаќ, додајте кашкавал исечен на коцки, свиткајте ги и наредете ги врз намастен плех. Одозгора, по желба, може да изрендате уште кашкавал.
7. Печете ги во претходно загреана рерна на 180 степени, 10-15 минути.