За подготовка на овој рецепт се потребни помалку од 50 минути

1. Во длабок сад се мешаат брашното, маслото, сол, шеќер и млака вода по потреба колку да се замеси средно меко тесто.
2. Тестото се дели на три еднакви топчиња. Од секое топче со сукало се развлекува мала кора, која се става на намастена подлога. Секоја кора одозгора се премачкува со масло и се остава да се одмори половина час.
3. Во друг сад се мешаат издробеното фета сирење и матените јајца.
4. Од секоја мала кора со рака се развлекува поголема кора, се попрскува со масло и се додава филот од фета сирењето.
5. Корите се виткаат во ролат, а потоа кружно се реди секоја кора во тепсијата. Целата пита убаво се премачкува со масло и се пече во загреана рерна на 200°C додека добие убава боја.