За овој рецепт се потребни помалку од 40 минути

1. Се загрева рерната на 180°C. Се растопува путерот на слаб оган, се отсекува врвот на земичките.
2. Потоа со остар нож се прават дупки во секоја земичка.
3. Со путерот се премачкува внатрешноста на земичките. Се зачинуваат со сол и бибер.
4. Потоа се ставаат додатоците за полнење – свеж домат, пиперка, многу ситно сечкан кромид, рендан кашкавал.
5. Во секоја од земичките се става ситно сечканата печеница. Се мешаат додатоците по желба и се полнат земичките до 3/4.
6. Потоа врз секоја од нив се крши по едно цело јајце. Се зачинува со сол и бибер.
7. Се печат 10 минути. Плехот се покрива со алуминиумска фолија и се враќа да се допече уште 20 минути.