За овој рецепт се потребни помалку од 90 минути

1. Најпрво се замесува тестото: во брашното се додаваат по ред шеќерот, квасецот (претходно измешан во малку млака вода за да стаса), јајцата, маслото, сувото грозје, ванилите, печивото и ренданата кора од лимон. Сето тоа се замесува со вода (може и со млеко, но со вода тестото е помеко).
2. Тестото се остава на топло да стасува.
3. Потоа се размесува, се прават фигури по желба или се делат три по три дела кои се расукуваат во ролат и се плете плетенка, се редат во намастен плех и повторно се оставаат да стасаат.
4. Откако ќе стасаат, се премачкуваат со матено јајце и се наросуваат со сусам.
5. Се печат на 220 степени додека да добијат румена боја, се намалува температурата на 150 степени и се остава да се допечат постепено додека убаво не потемнат.