За овој рецепт се потребни помалку од 35 минути

1. Компирот не го лупете и ставете го да се вари. Откако ќе се свари, оставете го малку да се подолади, па излупете го и исечете го на крупно или грубо иситнете го со вилушка.
2. Сувите пиперки ставете ги во зовриена вода на оган и варете ги околу 5 минути. Потоа извадете ги од водата, поминете ги низ млаз ладна вода и исцепкајте ги на ситни парчиња.
3. Празот исечкајте го на кругови или коцкички, но повеќе зелениот отколку белиот дел.
4. Во чинија за послужување измешајте ги топлите компири, сувите пиперки и празот. Посолете и забиберете по вкус и додајте го маслото и оцетот. Компирот впива од солта, така што посолете и пробајте дали е доволно.
5. Салатата сервирајте ја топла или ладна.