За подготовка на овој рецепт се потребни помалку од 60 минути

1. Исечете ги рибјите филети на коцки и ставете ги во сад настрана.
2. Во друг поголем длабок сад ставете ги издробените парчиња леб, ситно исечканиот лук, половина главица исечкан кромид и млеко и додајте ги филетите. Зачинете со рендано морско оревче и рендана кора од лимон, а потоа додајте сол и бибер по вкус. Сè убаво промешајте.
3. Главицата кељ разлистајте ја и отсечете и ги кочаните. Измијте ги листовите кељ, исцедете ги и ставете ги во зовриена вода да се обарат. Притискајте ги со лажица одозгора за да бидат покриени во водата и поклопете со капак.
4. Обарените листови кељ филувајте ги со претходно подготвениот фил и виткајте сарми.
5. Така подготвените сарми ставете ги во огноотпорен сад и прелијте ги со сос кој ќе го подготвите на следниот начин: во сад измешајте доматно пире и вода, префрлете го разреденото пире во друг сад и додајте уште малку вода, па промешајте.
6. Врз сармите со сос распоредете ги парчињата сланина и ставете ги да се печат 30-тина минути на температура од 225°C.

Послужете ги сармите од риба со дополнителни парчиња сланина и сосот во кој се подготвуваа и декорирајте по желба со неколку парчиња лимон.