За подготовка на овој рецепт се потребни помалку од 60 минути

1. Пригответе смеса за палачинки од 1 јајце, брашно, сол, малку масло и газирана вода. Испечете 10-тина палачинки на класичен начин.
2. Измијте го спанаќот и исечкајте го на ситно. Измешајте ги сирењето и спанаќот, додајте сол и бибер по вкус и една белка за да ја спои смесата.
3. Обложете тркалезен калап за торта со дијаметар 20 см со палачинките, така што да се поклопуваат и да преминуваат врз работ на калапот.
4. Истурете ја приготвената смеса и распоредете ја убаво. Направете вдлабнатини со лажица и во секоја искршете по едно јајце. Покријте со една цела палачинка и краевите префрлете ги навнатре.
5. Печете во загреана рерна на 200°C околу 30 минути. Оставете ја тортата да се олади и внимателно свртете ја. Исечете на парчиња и послужете.