За овој рецепт се потребни помалку од 40 минути

1. Пилешкиот дроб исечкајте го на парчиња и ставете го во тенџере со загреана вода на оган.
2. Откако водата ќе зоврие, содржината од тенџерето истурете ја во цедалка.
3. Исцедениот дроб вратете го во тенџерето и додајте му 1 л вода, па вратете го на оган и варете го.
4. На крупната страна од рендето изрендајте ги морковите и компирот (лупени), па пржете го морковот на загреано масло во тава на оган.
5. Откако ќе омекнат морковите, додајте го ренданиот компир и измешајте.
6. Во тавата со запржениот зеленчук додајте го брашното и мешајте со лажица.
7. Откако брашното ќе се запржи, додајте во тавата 700 мл од водата во која се вари дробот.
8. Целерот и магдоносот ситно исечкајте ги и додајте ги во тавата.
9. Додајте ја коцката за супа, вегетата, сол, бибер и измешајте.
10. Содржината од тавата додајте ја во тенџерето со полусварениот дроб, промешајте, варете 20 минути и тргнете го тенџерето од оган.
11. Во длабок сад со жица изматете го јајцето, додајте го оцетот и 2 лажици масло, па зачинете со бибер и промешајте.
12. Непрекинато мешајте со жицата и додајвајте 3 црпалки од супата, па послужете.