За овој рецепт се потребни помалку од 50 минути

1. Жолчките, 3 лажици врела вода, 150 грама шеќер во прав и 1 ванилин шеќер пенасто изматете ги со миксер додека смесата не се згусне.
2. Во посебен сад изматете ги белките во цврст снег, измешајте ги со брашното и прашакот за печиво и целата смеса додајте ја со жолчките.
3. Додајте и 30 грама исечкани лешници и промешајте со лажица.
4. Тестото распоредете го во плех врз намастена хартија за печење и печете го на умерена температура.
5. Кога ќе се испече, извадете му ја хартијата и оставете го на работната маса да се олади.
6. Во меѓувреме подгответе крем: пудингот сварете го во врелото млеко според упатството на пакувањето, а потоа оставете го да се излади.
7. Маргаринот пенасто изматете го, додајте ги мелените лешници и потоа лажица по лажица додавајте го и оладениот пудинг. Мешајте долго додека не добиете кремаста смеса.
8. Оладениот пандишпан пресечете го на три еднакви дела. Намачкајте ги со кремот и ставете ги парчињата еден врз друг.
9. Тортата намачкајте ја со крем и од надворешната страна.
10. Пенасто изматете ја слатката павлака со 1 ванилин шеќер и декорирајте ја тортата. Украсете и со парчиња лешник.
11. Оставете ја тортата еден час во фрижидер, а потоа исечете ја на еднакви парчиња и послужете ја.