За овој рецепт се потребни помалку од 100 минути

Пандишпан

1. Изматете ги јајцата со 4 лажици шеќер додека шеќерот се растопи, а потоа додајте ги лешниците, 2 ќесички ванилин шеќер, прашокот за печиво, 1 чаша масло и 4 лажици топла вода.
2. Измешајте со лажица додека смесата се соедини и ставете ја во тркалезен калап обложен со хартија.
3. Печете 30 минути во рерна на 180 степени.

Фил

1. Во тенџере на оган варете ги јаболките (излупени и исечкани на коцки) и додајте 1 литар вода и 2 лажици шеќер.
2. Со лажица решетка ставете ги сварените јаболки во друго тенџере, а 500 мл од водата во која се вареа во мензура.
3. Во тенџерето додајте 2 лажици шеќер, 1 лажица коњак, циметот и 2 ќесички ванилин шеќер.
4. Во друго тенџере на оган ставете 300 мл од водата во мензурата и 200 г шеќер.
5. Во мензурата додајте го прашокот за пудинг и мешајте со жица.
6. Потоа непрекинато мешајте со жицата и додавајте го размешаниот пудинг во тенџерето на оган додека ја добие потребната густина.

Финална постапка

1. Пандишпанот исечете го на два дела: првата кора попрскајте ја со коњак и нанесете половина од филот, а врз него половина од пудингот, па наредете ги бисквитите.
2. Прекријте ги со преостанатиот фил и врз него преостанатиот пудинг и поклопете со втората кора и попрскајте со коњак.
3. Одозгора премачкајте ја целата торта со прелив: на оган во тенџере растопете го чоколадото со 2 лажици масло.
4. Декорирајте ја тортата со кришки јаболки или со јатки по желба и послужете откако глазурата ќе се стврдне.